Микел Артета ја поттикна револуцијата во Англија! “Ова е жално, неопходно е да ги смениме правилата!” Тренерот на Арсенал ги повика челниците на Премиер лигата!

Микел Артета, тренерот на Арсенал, испрати отворен апел до челниците на Премиер лигата, барајќи итна промена на правилата пред официјалниот почеток на новата сезона.

Артета изрази огромно разочарување бидејќи мораше да изостави неколку клучни играчи од тимот за натпреварот во Комјунити Шилд против Манчестер Сити, поради строгиот лимит на бројот на резервни играчи кои можат да бидат на клупата за замена.

Тој инсистира дека Премиер лигата мора да ги прошири составите дозволени за секој натпревар.

Во моментов, протоколот за натпреварите во Премиер лигата дозволува максимално 20 фудбалери – 11 стартери и девет резерви. Оваа строга граница го принуди тренерот на “топџиите” да ги остави надвор од тимот Габриел Мартинели, Габриел Жезус и Итан Нванери. И покрај поврзаноста со евентуални трансфери, административниот лимит беше главната причина за нивното отсуство.

Навистина е жално што не можам да ги вклучам во тимот. Се борам со Премиер лигата за да ги прошириме составите и да внесеме повеќе играчи во протоколот. Тие заслужуваат да бидат таму. Се надевам искрено дека ова правило може да биде променето.
Микел Артета

Ваквата промена би ги изедначила правилата во Англија со оние кои веќе постојат во рамките на УЕФА за Лига на шампиони, каде тренерите располагаат со многу поголема флексибилност и поширок состав на клупата за замена.