Елмас во преговори со друг клуб од Серија А!?

Елиф Елмас би можел да остане во италијанскиот фудбал и во новата сезона, бидејќи за македонскиот репрезентативец се појави интерес од Фиорентина.

Според информациите на „Кориере дело Спорт“, клубот од Фиренца веќе стапил во контакт со Елмас и му претставил конкретна понуда. Македонскиот фудбалер, сепак, засега не донел конечна одлука и побарал дополнително време за да ја разгледа можноста за нов трансфер.

Фиорентина сака да го засили составот со квалитетен и искусен фудбалер, а Елмас се вклопува во профилот што го бара клубот. Доколку постигнат договор, за него тоа би значело продолжување на кариерата во Серија А.