Италијански петтолигаш добива неверојатен стадион од 62 милиони евра? (Видео)

Италијанскиот петолигаш Таранто доби нов стадион со 20 илјади седишта откако неговиот стар дом беше обновен и реконструиран во проект вреден 62 милиони евра. Стадионот го задржа името Еразмо Јаковоне, кое го носи од 1978 година во чест на прерано починатиот напаѓач на Таранто, а работите беа изведени во пресрет на Медитеранските игри. Свеченото отворање е закажано за 31 август, на денот на почетокот на ова натпреварување.

Обновениот Јаковоне доби модерен изглед, карактеристичен за новите стадиони во Европа и Северна Америка, па клубот од петтата лига сега може да се пофали со еден од најсовремените фудбалски објекти во Италија. Стадионот е замислен по пример на објекти „со англиски тип“: отстранет е поранешниот канал околу игралиштето, трибините се приближени до теренот на околу седум метри, а променет е и нивниот наклон за да се подобри видливоста од секое место.

Сите трибини ќе бидат покриени со челична конструкција. Надворешниот изглед на стадионот треба да потсетува на морските бранови, како врска со поморската традиција на Таранто, а предвидени се и два големи екрана, нови системи за осветлување и озвучување, простори за медиуми, гости и контрола на безбедноста.

Според објаснувањето на структурата која го води проектот, стадионот ќе биде од третата категорија на УЕФА.

🚨🇮🇹 𝐎𝐅𝐅𝐈𝐂𝐈𝐀𝐋 | Италијанскиот тим од петтата лига Таранто има нов стадион. 🏟️ ✅

Капацитет од 20,000. Тоа е еден од најмодерните стадиони во земјата. Изградбата беше финансирана заради Медитеранските игри. pic.twitter.com/smnYLm0vSo— EuroFoot (@eurofootcom) 29 јули 2026