„Л’Екип“ изненади со изборот за прв фаворит за Златната топка

Ѕвездата на Пари Сен-Жермен, Хвича Кварацхелија, го искористи летото за интензивни подготовки со јасна цел за новата сезона – освојување на Златната топка. Л’Екип изненадувачки го прогласи грузискиот офанзивец за главен фаворит за освојување на Златната топка оваа година на својата насловна страница.

Иако со репрезентацијата на Грузија го пропушти Светското првенство 2026 година, Хвича Кварацхелија не се откажа од амбицијата да ја освои Златната топка.

Според пишувањето на Л’Екип, крилниот напаѓач на ПСЖ го помина летото на индивидуални тренинзи наместо на одмор за да ја дочека почетокот на сезоната во врвна форма. Неговиот план е да има одличен старт пред почетокот на гласањето за престижната награда на почетокот на септември.