Шкендија помина добро на ждрепката: Тетовци го дознаа можниот ривал во плејофот од Конференциската лига

Шкендија го дозна потенцијалниот противник во плејоф-фазата од Конференциската лига на УЕФА, но за да стигне до таа пресметка најпрво ќе мора да го надмине предизвикот наречен Хибернијан.

На денешната ждрепка во европското натпреварување, тетовскиот клуб доби можност во последното квалификациско коло да се соочи со победникот од двомечот меѓу шведски Гетеборг и белгиски Гент.

Сепак, фокусот на Шкендија во моментов е целосно насочен кон третото квалификациско коло, каде што ја очекува тешка битка против шкотскиот Хибернијан. Само доколку го елиминира противникот, македонскиот тим ќе обезбеди место во плејофот.