Официјално: Роналдо останува „крал“ до 2021

Кристиано Роналдо го продолжил договорот со Реал Мадрид до 2021, пренесоа шпанските медиуми.

Најдобриот играч и стрелец на Рeал, Кристиано Роналдо, денес ќе го стави својот потпис на новиот договор.

Претходниот договор на Роналдо со Реал имаше важност до 2018 година. Португалецот 2021 година ќе има полни 36 години.

„Во понеделник ќе биде организирано потпишувањето на договорот на Кристиано Роналдо во претседателската ложа“, објави Реал во кусо соопштение на својата интернет страница.

Роналдо од Манчестер Јунајтед пристигна во Реал во 2009 година, тој со „кралскиот“ клуб има две титули во Лигата на шампионите и само една во шпанското првенство.