Официјално: Лука Модриќ ќе игра уште една сезона под светлата на „Сан Сиро“ (Видео)

Легендарниот Лука Модриќ (40) го продолжи договорот со Милан до јуни 2027 година, соопшти италијанскиот клуб.

На Модриќ му истече претходниот договор на 30 јуни, па за време на Светското првенство со репрезентацијата на Хрватска формално беше слободен играч бидејќи искусниот играч од средината на теренот сакаше по завршувањето на турнирот да донесе одлука за продолжување на кариерата и можниот останок во Милан.

Освојувачот на Златната топка пристигна во Милан минатото лето како слободен играч по 13 сезони поминати во Реал Мадрид.

Во првата сезона за Милан одигра 37 натпревари, постигна два гола и забележа три асистенции.

На 32 меча беше во стартната постава, а уште поголем број настапи спречи повредата на јагодичната коска која ја здоби по судирот со глави со Мануел Локатели на натпреварот против Јувентус.

Модриќ и во следната сезона ќе го носи дресот со број 14, а Милан ќе го води новиот тренер Рубен Аморим.

“Ci vediamo presto” 🔜
Зборови на Лука Модриќ pic.twitter.com/IybmopjSyg— AC Milan (@acmilan) 23 јули 2026