Гави инсистира ФИФА да го помилува Паредес (Видео)

Фудбалерот на Барселона и шпанската репрезентација Гави изјави дека смета оти аргентинскиот играч за врска Леандро Паредес не треба да биде суспендиран поради инцидентот кој се случи по завршувањето на финалето на Светското првенство.

По победата на Шпанија над Аргентина со 1:0, на теренот изби кавга во која учествуваа аргентинските репрезентативци Леандро Паредес, Нахуел Молина и Тијаго Алмада, како и помошниот тренер Роберто Ајала.

Според видеата, Паредес со рака го фатил за вратот шпанскиот репрезентативец Ерик Гарсија, додека Гави, кој не влезе во игра, се обиде да се вмеша, но Алмада го турна на терен. Паредес го потоа го турна Гави, ставајќи му ја раката на лицето.

ФИФА покрена дисциплинска постапка и именуваше истражител кој ќе ја утврди одговорноста на сите учесници на инцидентот. Во зависност од исходот на истрагата, одредени играчи или членови на стручниот штаб би можеле да бидат суспендирани, додека Аргентинската фудбалска федерација се соочува со парична казна.

„Не мислам дека Паредес треба да биде суспендиран. Разбирам дека тоа не е добра слика за децата, но фудбалот има и таа физичка, агресивна страна. Најлогично би било да беше исклучен за време на натпреварот и на тоа да заврши. На крајот, сето тоа е дел од фудбалот“, рече Гави за радио КОПЕ, а пренесе Би-Би-Си (BBC).

Науел Молина заслужува да не биде добредојден во Шпанија и Атлетико Мадрид да бара да го продаде што е можно поскоро. Леандро Паредес, пак, заслужува најмалку 6 месеци надвор од сите меѓународни натпреварувања.

Каков пар идиоти. Беа на граница да уништат едно финале… pic.twitter.com/tw98Kn4Ltp

— Артуро Виљегас (@ArturoVill7) 20 јули, 2026