Атлетико и Арсенал постигнале договор, но Алварез не сака ниту да слушне

Според информациите кои ги пренесува познатиот шпански портал Ел Чирингито ТВ, Атлетико Мадрид и Арсенал склучиле целосен договор за трансферот на аргентинскиот напаѓач Хулијан Алварез на Емиратес во Лондон. Сепак, играчот категорично ја одбива оваа опција.

Раководството на Арсенал понуди пакет вреден десетици милиони евра, од кои 50 милиони евра ќе им припаднат на Мадрид, додека во спротивна насока би заминал шведскиот напаѓач Виктор Гјокереш.

Управата на Атлетико го процени како понуда која не се одбива, зашто добиваат одлична замена во нападот и значителни финансиски средства, и брзо дадоа зелено светло за реализација на договорот.

🚨🚨| BREAKING: Atletico Madrid and Arsenal have reached 𝐀𝐆𝐑𝐄𝐄𝐌𝐄𝐍𝐓 over Julian Alvarez — €50m + Viktor Gyökeres. 🚨🔴

Alvarez is refusing personal terms as he wants Barcelona and is demanding Atletico honour a prior promise.

[@elchiringuitotv] pic.twitter.com/dfUfGITzOU

— CentreGoals. (@centregoals) July 21, 2026

Но, Хулијан Алварез одлучно одби да преговара за личните услови со Арсенал, со што еднострано го блокираше веќе договорениот трансфер меѓу двата клуба.

Причината за оваа радикална одлука на аргентинскиот репрезентативец лежи во неговите јасни амбиции. Алварез нема намера да се враќа во Англија, туку како своја единствена посакувана дестинација ја гледа Барселона.

Понатаму, напаѓачот од челниците на Атлетико Мадрид изрично бара да го почитуваат претходно даденото ветување дека нема да му создаваат пречки ако се појави можност за трансфер во редовите на каталонскиот гигант.