Срушен е рекорд: Челси го претстави најскапото засилување во историјата на Премиер лигата!

Англискиот репрезентативец Морган Роџерс официјално стана нов играч на Челзи. Овој 23-годишен напаѓач се приклучи на екипата на Стамфорд Бриџ доаѓајќи од Астон Вила со трансфер кој достигна рекордни 137 милиони евра, договорот е потпишан со лондонскиот клуб до 2033 година.

При потпишувањето на договорот, Роџерс не ја криеше својата радост поради пристигнувањето. “Среќен сум,” изјави Роџерс. “За мене, Челзи е најголемиот клуб во Лондон и отсекогаш му се восхитував, уште од детството. Проектот со новиот тренер, соиграчите кои ги имаме и насоката во која клубот оди, навистина ме радуваат. Затоа сум тука и едвај чекам да излезам на теренот.”

He chose Chelsea. pic.twitter.com/V6NrGsuZH9

— Chelsea FC (@ChelseaFC) July 21, 2026

Роџерс доаѓа во Челзи како еден од најперспективните напаѓачи во Премиер лигата. За време на неговиот престој во Астон Вила, беше директно вмешан во 40 голови за 85 изиграни натпревари во Премиер лигата. Со екипата од Бирмингем изминатата сезона освои и трофеј во Лига Европа, помагајќи им обезбедување место меѓу четирите најдобри екипи во првенството.

Од своето деби за сениорската репрезентација на Англија во ноември 2024 година, Роџерс стана редовен член на тимот на Томас Тухел. Досега има 22 настапи, а својата земја ја претставуваше и на овогодишното Светско првенство, каде што освои бронзен медал.

Ова е најголемата сума која Челзи ја потроши на играч. Претходниот рекорд го држеше Енцо Фернандез и неговиот трансфер од Бенфика во сезоната 2022/23. Освен Роџерс и Фернандез, Челзи има потрошено над 100 милиони евра и на Моисес Каиседо, Ромелу Лукаку и Каи Хаверц.