Неверојатни сцени во Мадрид: Два милиони луѓе ги пречекаа светските шампиони! (Видео)

Шпанската фудбалска репрезентација беше пречекана од околу два милиони луѓе на улиците на Мадрид, по освојувањето на титулата светски шампион на Мундијалот во САД, Канада и Мексико.

Шпанските фудбалери се вратија дома ден по финалето на Светското првенство, во кое ја победија Аргентина со резултат 1:0 по продолженијата и вторпат во историјата ја освоија титулата светски шампион.

По официјалните приеми, играчите и стручниот штаб тргнаа со отворен автобус низ централните улици на главниот град, поздравувајќи ги насобраните навивачи кои во голем број излегоа за да го прослават историскиот успех.

Поворката заврши на плоштадот Сибелес, традиционалното место за прослава на најголемите спортски успеси во Шпанија, каде што беше поставена бина со музичка програма што го претходеше доаѓањето на новите светски шампиони.

Бројот на фанови на Шпанија на парадата во Мадрид 🤯 pic.twitter.com/brlyPKmrp9— FOX Sports (@ФОКССпортс) 20 јули 2026