Алекс Баена влезе во историјата на фудбалот како првиот играч кој освои три најголеми натпреварувања со репрезентацијата – Олимписките игри, Европското првенство и на крајот – Светското првенство.
Селекторот Луис Де Ла Фуенте очигледно го обожава и не е случајно што имаше толку значајна улога во неговиот систем, но и за шпанскиот фудбал. Зашто, Алекс Баена беше единствениот кој летото 2024 година, по трофејот на Европското првенство, брзо замина и со У23 селекцијата на Олимписките игри и таму го подигна пехарот.
Во тој тим, исто така, беа Пао Кубарси, Ерик Гарсија, Жоан Гарсија и Фермин Лопез, но ниту еден од нив не беше повикан на ЕУРО во Германија.
Баена така стана првиот во историјата кој го комплетираше “хет-трикот” по ред – ЕП, ОИ и СП во период од две години.
Слично достигнување имаа Јужноамериканците – Лионел Меси и Анхел Ди Марија. Аргентинците освоиле во кариерата и Светско првенство (2002), две Копа Америка (2021 и 2024), но и Олимписките игри во Пекинг 2008.
За разлика од нив, кои имаа “празнина” од 16 години за да “ја завршат играта”, Баена тоа го направи само за две години.
Учество во игри на среќа е дозволено за лица со 18+ години. Играј одговорно!