Кукуреља е човек од збор, ќе си го исполни лудото ветување!

Шпанија стигна до светската титула, а меѓу најзаслужните за големиот успех беше Марк Кукуреља, кој блескаше во текот на целиот турнир.

Пред почетокот на Мундијалот, левиот бек даде необично ветување – доколку Шпанија стане светски шампион, ќе го истетовира ликот на селекторот Луис де ла Фуенте.

По освоениот трофеј, Кукуреља потврди дека нема намера да се откаже од својот збор.

„Сега останува да одлучам на кој дел од телото ќе биде тетоважата со ликот на Луис де ла Фуенте. Сакам да биде на место што ќе се гледа, бидејќи сигурно многумина ќе ме прашуваат за неа. Ќе имам време да размислам додека патуваме дома“, изјави шпанскиот репрезентативец.