Бизарна пречка: Франција менува закон за да му овозможи на Зидан да ја преземе репрезентацијата

Зинедин Зидан со години чекаше можност да седне на клупата на француската репрезентација, но и покрај тоа што заминувањето на Дидие Дешан го ослободи местото на селектор, потпишувањето на договорот го стопираше – државната граница за плати.

Само еден ден по болното испаѓање од Светското првенство и поразот од Шпанија во полуфиналето, Дидие Дешан потврди дека ја напушта клупата на „Триколорите“. Иако фудбалската јавност очекуваше Зинедин Зидан веднаш да биде именуван за нов селектор, Француската фудбалска федерација (ФФФ) се соочи со сосема неочекуван и бизарен правен проблем кој го одложи целиот процес.

Како што пренесува угледниот „Л’Екип“, пречката се појавила поради новиот закон што на 8 јули го усвои заедничката комисија на францускиот Сенат и Националното собрание.

Со тој закон е воведено горно ограничување на платите во одредени јавни претпријатија и организации од јавен интерес, кое изнесува максимум 450.000 евра бруто годишно.

Бидејќи оваа одредба важи и за селекторот на фудбалската репрезентација, Француската фудбалска федерација се најде во незавидна ситуација.

Спомнатиот износ е дури десет пати помал од платата што ја примаше досегашниот селектор Дидие Дешан. За да може Зидан да му понудат договор што одговара на неговиот реноме и статус, Федерацијата сега мора да чека итна измена на законот или донесување на специјално исклучување.