Инфантино: Мундијал со 48 екипи е успех, размислуваме за проширување на 64

Светското првенство во Соединетите Американски Држави, Канада и Мексико е во полн ек, а форматот со 48 репрезентации, кој се применува за првпат, се покажа како полн погодоци. Во ексклузивно интервју, претседателот на ФИФА, Џани Инфантино, говори за успехот на турнирот, за можноста за понатамошно проширување на дури 64 екипи и за неговите контакти со американскиот претседател Доналд Трамп, пишува Bluewin.

На прашањето дали проширувањето на турнирот беше правилна одлука, Инфантино одговара без двоумење.

„Да, стопроцентно! Тоа беше огромен успех со 48 екипи. Секоја репрезентација играше на високо ниво. Екипи од сите континенти постигнаа голови и освоија барем еден поен. Девет од десет африкански екипи стигнаа до нокаут фазата. На претходното Светско првенство имаше само пет екипи од Африка. Ова само покажува колку е важно да се вклучат сите – да им се даде можност за учество.”