Видео: Несто-гол не запира, но Милан и Јуве исто така!

Илија Несторовски ја продолжи одличната серија и против екипата на Милан, но „росонерите“ славеа на „Ренцо Барбера“. Јувентус рутински против Киево.

Палермо запиша уште еден пораз пред своите гледачи, овој пат од Милан со 1-2. Резултатот го отвори Сусо во 15-та минута. Надежта на домаќините ја врати нашиот Несторовски со гол во 71-та минута, но „росонерите“ стигнаа до триумф со голот на Лападула во 82-та минута.

Јувентус освои три нови бода и се зацврсти на врвот во Серија А откако со 2-1 победи на гостувањето кај Киево.

Мрежите мируваа до 53 минута кога Манџукиќ погоди за водство на Јуве од 1-0, во 66 Пелисие изедначи на 1-1, а Пјаниќ на 15 минути до крајот носи победа од 2-1.