Скалони реагира на обвинувањата дека Аргентинците биле фаворизирани од судиите

По пласманот во полуфиналето на Светското првенство, аргентинската репрезентација повторно се најде среде дебати за судиските одлуки. Дебатата дополнително се зголеми по победата против Египет и поништениот гол на Египќаните по прегледот на ВАР, поради што повторно се јавија обвинувања за наводно судиско фаворизирање на Аргентина.

Селекторот Лионел Скалони на обвинувањата одговори многу директно, истакнувајќи дека тоа не е ништо ново. „Тоа не е ништо ново. Уште во 1986 година зборуваа дека нè фаворизираат“, изјави аргентинскиот селектор.

Скалони смета дека Аргентина поради својата големина, историја и емоции кои ги носи на турнирите секогаш се наоѓа во центарот на вниманието. Според неговите зборови, ваквите обвинувања не се изненадување, туку дел од околината со која неговата репрезентација живее веќе децении.