Карло Анчелоти останува селектор на бразилската репрезентација и покрај горкиот пораз од Норвешка 2-1 и испаѓањето во осминафиналето на Светското првенство. Искуcниот италијански стручњак и Бразилската фудбалска федерација порачаа дека долгорочниот проект останува недопирлив, иако репрезентацијата забележа најлош резултат на Мундијалот уште од 1966 година.
Како ПАМЕТНО да типувате на World Cup 2026!
Бразилскиот сон за освојување на шестиот трофеј светски првак згасна во Њу Џерси, каде што Норвешка со двата гола на Ерлинг Халанд ја одведе до победа. Фрустрирачката вечер за „кариоките“ ја комплетираа промашениот пенал на Бруно Гимараес во првото полувреме и слабата реализација во нападот. Овој болен пораз го означува најлошиот настап на петтекратните светски прваци на големо натпреварување уште од испаѓањето во групната фаза пред 60 години.
И покрај зголемениот притисок од јавноста поради раното испаѓање, 67-годишниот селектор брзо реагираше на социјалните мрежи за да ги прекине шпекулациите за својата иднина и ја потврди решеноста да остане на клупата. Анчелоти на платформата X објави: „Денеска болката е голема, но не го менува верувањето во она што го градиме. Ќе продолжиме да работиме за нашата репрезентација. Секогаш заедно. Секогаш Бразил“.
Учество во игри на среќа е дозволено за лица со 18+ години. Играј одговорно!