Роберто Мартинез веќе не е селектор на Португалија, познато кој ќе го наследи

Роберто Мартинез повеќе не го води фудбалскиот состав на Португалија. Оваа одлука ја објави на конференција за медиумите по елиминацијата од Шпанија во четвртфиналето на Светското првенство.

Мартинез ја презеде функцијата селектор на почетокот на 2023 година, откако го наследи Фернандо Сантос по Светското првенство во Катар. Должноста ја извршуваше три и пол години.

“Ова претставува крај на еден циклус. Сега е важно Португалија да има нов селектор, и легитимно е претседателот да избере личност по своја желба. Благодарен сум за сета поддршка што ја добив”, изјави Мартинез.

Претседателот на Фудбалската федерација на Португалија, Педро Проенса, веќе го избра наследникот, а тоа е искусниот Хорхе Жезус, според извештајот на А Бола.