Јувентус го промени спортскиот сектор преку летото и со трансфер политиката се занимава Џовани Карневали, кој заврши одлична работа во Сасуоло. Неговата задача, заедно со спортскиот директор Марко Отолини, е да создадат што потентен тим со што помалку средства, бидејќи не се изборија за пласман во Лигата на шампионите.
Примарни позиции каде се бараат засилувања се голманот и напаѓачот.
Желба на Јувентус е на местото голман да го доведат чуварот на мрежата на Парма, Зион Сузуки.
Супер талентираниот голман од Јапонија воодушеви на светското првенство, а зад себе има две одлични сезони во Серија А. Неговата цена е околу 20 милиони евра.
Во рамките на тие преговори, извори од Италија пишуваат дека челниците на Јувентус почнале да се распрашуваат и за напаѓачот Матео Пелегрино.
Робусниот напаѓач постигна 9 голови минатата сезона и дури 6 беа постигнати со глава. Тој е многу доминантен во скокот, а Лучано Спалети и претходно има кажано дека побарал од челниците на клубот да му доведат доминантна “деветка”. Неговата цена е околу 15 милиони евра.
Учество во игри на среќа е дозволено за лица со 18+ години. Играј одговорно!