Аргентина ги совлада Зеленортските Острови со 3:2 после неочекувани продолженија во осминафиналето на Светското првенство. Иако актуелните светски шампиони два пати стигнаа до водство преку головите на Лионел Меси (29′) и Лисандро Мартинез (93′), храбрата африканска селекција секојпат најде начин да се врати во игра.
Прво, изедначи Дерој Даварте (59′) на 1:1, а потоа Сидни Лопес Кабрал во 103. минута постигна еден од најубавите голови на турнирот за 2:2.
Победата на Аргентина ја донесе автоголот на Динеј во 111. минута, по ударот на Кристијан Ромеро, кој беше највисок во скокот по корнерот на Меси.
Аргентина во четвртфиналето ќе се соочи со Египет, кој порано оваа вечер ја елиминира Австралија по изведување на пенали. Натпреварот е закажан за вторник, 7 јули во 18 часот по македонско време. Ќе се игра на стадионот „Мерцедес-Бенц“ во Атланта. Прегледот може да го видите ОВДЕ.
Учество во игри на среќа е дозволено за лица со 18+ години. Играј одговорно!