ФИФА објави доказ: Еве зошто е поништен голот на Хрватска (Видео)

ФИФА објави клучен доказ и објаснување

Во натпреварот што се одигра во Торонто, каде што стрелците беа Перишиќ за Хрватска и Роналдо и Рамос за Португалија, изгледаше како мечот да влегува во продолженија кога Јошко Гвардиол ја затресе мрежата во последната минута од натпреварот.

Меѓутоа, радоста беше краткотрајна поради офсајд, што на Португалија и овозможи да мине во осминафинале против Шпанија. За да ги отстрани сите сомнежи, ФИФА веднаш излезе со објаснување за оваа контроверзна одлука.

Joško Gvardiol disallowed goal against Portugal in 90+13th minutes was determined thanks to the chip inside the ball, regarding the player’s contact ruling.pic.twitter.com/maWFK3SuPw

— WideFootball⚽ (@_widefootball) July 3, 2026

По голот на Рамос во 94. минута, Хрватска вложи се што има. Во последните моменти на натпреварот, поточно во 103. минута, Перишиќ центрираше одлево, а напаѓачот Игор Матановиќ со деликатен потег ја пренасочи топката со глава.

Топката потоа го допре португалскиот дефанзивец Ренато Веигa и стигна до Марио Пашалиќ, кој му асистираше Гвардиол за привремениот резултат 2:2. Бидејќи Пашалиќ беше зад последната линија на одбраната кога Матановиќ ја допре топката, судиите сигнализираа недозволена ситуација.

According to the data provided by Connected Ball Technology housed within the @adidasfootball Trionda, the official match ball of the @FIFAWorldCup, it was proven that contact was made by Croatia’s #20 Igor Matanović in the build up to the goal against Portugal, allowing the… pic.twitter.com/AyBz11N3wV

— FIFA Media (@fifamedia) July 3, 2026

Клучниот доказ за оваа милиметарска одлука го обезбеди најновата технологија вградена во официјалната топка на првенството, Adidas Trionda.

ФИФА соопшти дека сензорите во топката регистрирале микроконтакт со Матановиќ при почетокот на акцијата, технологија позната како “Connected Ball”, која во реално време испраќа податоци во собата за ВАР и регистрира и најмал допир.

Гледачите на екраните моментот го видоа преку таканаречената срцева графика, која со голема прецизност го одбележува моментот на контакт на играч со топката, што ја потврди исправната одлука на судискиот тим и го означи крајот за Хрватска на турнирот.