ФИФА исфрли азиска репрезентација од сите натпреварувања!

Во периодот на Светското првенство што се одржува во САД, Мексико и Канада, ФИФА донесе една остроумна одлука.

Фудбалската репрезентација на Непал е суспендирана на неопределено време и исклучена од сите натпреварувања што ги организира светската „Куќа на фудбалот“.

Меѓународната фудбалска федерација го суспендираше Фудбалскиот сојуз на Непал поради што репрезентацијата на Непал, како и сите клубови од таа држава, нема да можат да учествуваат на натпреварувањата под капата на ФИФА и Азиската фудбалска конфедерација (AFC).

Во официјалното соопштение, ФИФА објаснува дека причината за оваа мерка е недозволено мешање на трета страна во работата на националниот сојуз. Ова се однесува на повеќемесечниот спор меѓу Фудбалскиот сојуз на Непал и Националниот спортски совет, кој се вмешал во изборниот процес и функционирањето на сојузот, што ФИФА го смета за прекршување на своите статути.

Покрај забраната за учество на меѓународната сцена, Непал привремено останува и без пристап до развојните програми, обуките, семинарите и финансиската помош од ФИФА.