Играчот од средниот ред на Нотингам, Елиот Андерсон, е на чекор до рекорден трансфер во Англија, потврдува “Дејли Мејл”. Тој би можел да премине во Манчестер Сити.
Нотингам Форест веќе одби две понуди за играчот и инсистира да добие финансиски пакет од 130 милиони фунти, што би го направило Андерсон еден од најскапите играчи во историјата.
Елиот имаше извонредна сезона во Нотингам и ја оправда довербата на Томас Тухел. Тој беше во стартната постава на првите два натпревари на Англија на Светското првенство во Северна Америка.
Интерес за Андерсон покажува и Манчестер Јунајтед, но “црвените ѓаволи” се повлекоа од трката за неговиот потпис, бидејќи оценија дека ќе им биде премногу скап. Ман Сити, сепак, е подготвен да ги обезбеди средствата и е блиску до договор. Нови разговори помеѓу “граѓаните” и Нотингам ќе се одржат утре.
Учество во игри на среќа е дозволено за лица со 18+ години. Играј одговорно!