Фудбалската репрезентација на Зеленортските Острови продолжува со пишување на најубавите страници од својата историја. Во првото коло тие го шокираа светот и освоија историски прв бод против моќната Шпанија, постигнаа свој прв гол на Светското првенство, а потоа и втор против двојниот светски шампион Уругвај (2:2), искористувајќи неверојатна грешка на искусниот Фернандо Муслера.
Како ПАМЕТНО да типувате на World Cup 2026!
Африканската селекција ги освои срцата на неутралните навивачи во првото коло кога им пркосеше на Шпанците. Со ист решителен дух и без нималку страв, играчите излегоа за пресметка со Уругвај. Почнаа храбро, нападнаа и ги шокираа противниците со погодок за водство од 1:0.
Сепак, класата на Уругвај се покажа на крајот од првото полувреме. Со два брзи голови го изменија резултатот во 2:1, и изгледаше дека нивното искуство ќе биде пресудно во овој натпревар.
И покрај тоа, момците од Зеленортските Острови останаа смирени и во продолжението повторно тргнаа на се или ништо, што на крајот им се исплати, кога предизвикаа трепер на светската фудбалска сцена.
Тогаш се случи една од најбизарните сцени на шампионатот – искусниот голман Фернандо Муслера доживеа вистинска ментална блокада.
Никој не можеше да разбере зошто се упати далеку од својот гол. Оваа катастрофална одлука ја искористи Хелио Варела. Го следеше настанот, ја зграпчи шансата и со леснотија ја затресе празната мрежа за конечни 2:2.
Учество во игри на среќа е дозволено за лица со 18+ години. Играј одговорно!