Стравични детали: Пукано било кон аргентински навивачи на СП

Фудбалерите на Аргентина убедливо го победија Алжир со резултат 3:0, започнувајќи ја одбраната на светската титула на моќен начин.

Во главната улога повторно беше незапирливиот Лионел Меси, кој со постигнатиот хет-трик потврди дека и на 39 години ја диктира играта на највисоко светско ниво.

Меѓутоа, пред натпреварот се случила вистинска драма надвор од теренот, што аргентинските навивачи го открија во разговор за домашниот весник „Ла Насион“.

Тие раскажаа дека нивниот возач на Убер бил ранет кога од друго возило во движење ненадејно била отворена огнена стрелба кон нивното возило.

– Пукаа на автомобилот додека пристигнувавме. Пукаа двапати на Уберот. Автомобилот се движеше, друго возило налета и пукаше двапати на него. Во почетокот мислевме дека е пробушена гума, не видов што се случи. Возачот закочи, а тогаш видов дека неговата нога има рана. Повикавме полиција. Беше страшно – раскажа еден навивач.