Манчестер јунајтед добива еден од најдобрите во Премиер лигата, но мора да плати 85 милиони евра

Вест Хем е подготвен да го продаде Матеус Фернандеш во текот на летниот преоден рок, но само доколку заинтересираните клубови ја платат бараната сума од 85 милиони евра.

Португалскиот играч за врска се наоѓа меѓу главните трансферни цели на Манчестер Јунајтед, кој бара засилување во средниот ред. По интересот за Едерсон, раководството на „црвените ѓаволи“ го има Фернандеш високо на својата листа, иако во моментов смета дека цената е превисока.

Покрај Манчестер Јунајтед, ситуацијата внимателно ја следат и Арсенал и Пари Сен Жермен, а интерес за ѕвездата на Вест Хем покажува и уште еден европски великан чие име засега не е откриено.

Фернандеш зад себе има одлична сезона и со своите настапи го привлече вниманието на неколку од најголемите клубови во Европа.