Иранската фудбалска федерација објави во вторникот дека им е одземена распределбата на влезници за Светското првенство, само неколку дена пред почетокот на турнирот. Оваа одлука значи дека навивачите кои веќе ги испланирале своите патувања нема да можат да ги гледаат натпреварите на својата репрезентација. Светското првенство започнува во четврток, а Иран своите први два натпревари од групата Г ги игра во Лос Анџелес против Нов Зеланд на 15 јуни и Белгија на 21 јуни, а потоа на 26 јуни ќе се соочи со Египет во Сиетл, објави Ројтерс.
Проблеми за навивачите
Зошто проблемот со улични кучиња СÈ УШТЕ постои? | Уште еден поткаст
Во соопштението на иранската федерација се наведува дека процесот на продавање на влезници на навивачите бил веќе започнат, но сега истите не можат да бидат обезбедени. “Сето тоа и покрај фактот дека многумина ирански фудбалски навивачи, верувајќи во официјално објавениот процес, веќе ги направија потребните планови за да присуствуваат на натпреварите”, се додава во изјавата.
“Онеспособувањето на иранските навивачи да ја добијат својата легитимна и официјална распределба на влезници е чин спротивен на духот кој владее на меѓународни натпреварувања и начелото за еднаквост меѓу учесничките земји”, велат од федерацијата. “Оваа ситуација отвора сериозни прашања за вмешување на несспортски и политички фактори во организацијата на најголемиот светски фудбалски настан.”
Апел до ФИФА
Иранската федерација не прецизираше кој ја донел одлуката за одземање на влезниците, но апелираше до главната фудбалска организација ФИФА да ги почитува “правилата на неутралност, праведност и утврдени прописи” и да спречи надворешни проблеми да фрлат сенка на турнирот.
Учество во игри на среќа е дозволено за лица со 18+ години. Играј одговорно!