Без разлика на неодамнешното негирање од неговиот агент, Јирген Клоп наводно води преговори за преземање на нова улога во саудискиот клуб Ал-Итихад. Оваа информација ја објави белгискиот експерт за трансфери Саша Таволиери, кој работи за „Скај“, и наведува дека “националниот директор за глобален фудбал” на Red Bull е отворен за заминување во Саудиска Арабија и веќе водел разговори за можната соработка, пишува „Goal.com“.
Зошто проблемот со улични кучиња СÈ УШТЕ постои? | Уште еден поткаст
Само една недела претходно, агентот на Клоп, Марк Косицке, ги отфрли тие гласини, изјавувајќи: „За тоа нема ни збор.“ Но, според Таволиери, преговорите продолжиле оваа недела.
Саудискиот клуб наводно сака да го именува 58-годишниот Германец за технички директор, со што тој ќе биде одговорен за стратегијата за трансфери на клубот. Клоп, како што се тврди, поставил услов дека нема да ја напушти својата позиција во Red Bull пред почетокот на сезоната и затворањето на летниот трансфер период.
За разлика од поголемиот дел од европските лиги, трансфер периодот во Саудиска Арабија се отвора и затвора подоцна. На пример, оној во Бундеслигата трае од 30 јуни до 1 септември, додека на Блискиот Исток започнува дури на 22 јули и трае подолго.
Учество во игри на среќа е дозволено за лица со 18+ години. Играј одговорно!