Лаутаро херој, Аргентина без Меси победи на последниот натпревар пред Светското првенство (Видео)

Аргентинските фудбалери триумфираа против Хондурас со 2:0 во пријателски натпревар како дел од подготовките за Светското првенство.

Аргентина дојде до победата со леснотија, откако Лаутаро Мартинез успешно реализираше удар од белата точка во 37. минута за водство на „Гаучосите“.

Победата беше обезбедена благодарение на погодокот на Џулијано Симеоне во 54. минута, асистент беше стрелецот на првиот гол.

Најдобриот аргентински фудбалер, Лионел Меси, го следеше натпреварот од клупата и не се појави во игра.

Актуелниот светски шампион ќе се соочи со Исланд во среда, по што следуваат обврските на Светското првенство.

Првиот натпревар на Аргентина на светската сцена ќе биде против Алжир на 17 јуни.

Аргентина е дел од Групата Ј каде што се натпреварува заедно со Алжир, Австрија и Јордан.