Формула 1 останува во Лас Вегас најмалку до 2037 година

Формула 1 соопшти дека Големата награда на Лас Вегас ќе биде дел од Светското првенство уште најмалку 11 години, откако беше потпишан нов договор што важи до 2037 година.

„Воодушевени сме што Формула 1 ќе продолжи во Лас Вегас уште многу години. Секогаш сме верувале дека Лас Вегас ќе биде камен-темелник на нашето присуство во САД и ова продолжување нè врзува долгорочно за овој важен пазар”, кажа претседателот и извршен директор на Формула 1 Стефано Доменикали, а пренесува службената страница на Формула 1.

Лас Вегас доби трка во 2023 година, а досега се возеа три, во две победи Макс Ферстапен а во една Џорџ Расел.