Роберт Левандовски добил договор што би му донел околу 20 милиони евра по сезона плус бонуси, објави полскиот новинар Томаш Влодарчик, кој е добро запознат со случувањата околу поранешниот напаѓач на Барселона. Меѓутоа, оваа понуда не доаѓа директно од Фенербахче, туку од Хакан Сафир, еден од кандидатите за претседател на турскиот клуб на изборите закажани за 6 и 7 јуни.
Зошто проблемот со улични кучиња СÈ УШТЕ постои? | Уште еден поткаст
Според објавените информации, Сафир во понеделник ја доставил официјалната понуда до луѓето блиски до напаѓачот како дел од неговиот изборен план. Овој бизнисмен има намера да го победи Азиз Јилдирим кој беше претседател на клубот од 1998 до 2018 година и исто така се кандидира.
Претседателската кампања во Фенербахче е обележана со амбициозни ветувања за враќање на клубот на врвот на турскиот фудбал, а потенцијалниот доаѓање на Левандовски е еден од главните адути на Сафир за придобивање на членовите на клубот.
Сепак, целата операција уште е далеку од реализација. Според истиот извор, нема сигурни индиции ниту конечен став на полскиот напаѓач за оваа понуда. Освен тоа, се истакнува дека секој потег ќе се анализира внимателно откако ќе се заврши изборниот процес. Кога резултатите од изборите ќе бидат познати, понудата ќе се разгледа заедно со другите предлози што ги има Роберт Левандовски на располагање.
Учество во игри на среќа е дозволено за лица со 18+ години. Играј одговорно!