Раководството на Јувентус ќе направи финален обид да постигне спогодба со напаѓачот Душан Влаховиќ во врска со обновувањето на неговиот истекувачки договор, соопштува Џанлука Ди Марцио.
Ова ќе се случи за време на последната средба меѓу двете страни, која е предвидена за следните неколку дена. Според информациите, сепак нема голем оптимизам за продолжување на договорот. Така најверојатно Влаховиќ ќе си замине од торинскиот гигант по четири и пол години, во кои одигра 168 натпревари, постигна 68 голови и 16 асистенции и освои еден Куп на Италија.
Во врска со преговорите со Пари Сен Жермен за доведување на друг напаѓач – Рандал Коло Муани, Ди Марцио истакнува дека за склучување на договор ќе биде потребна висока трансферна сума, поради што се уште нема спогодба во преговорите меѓу двата клуба.
Учество во игри на среќа е дозволено за лица со 18+ години. Играј одговорно!