Ливерпул потврди за Конате, тој се обрати со порака

Од Ливерпул ја потврдија веста дека Ибраима Конате го напушта клубот како слободен агент. Договорот на дефанзивецот истекува за еден месец и тој може да се пресели во друг тим бесплатно.

Имаше информации дека францускиот репрезентативец постигнал договор со „црвените“ за нов договор, но на крајот дојде до разделба. Според медиумите, проблемот е барањето на Конате за плата во износ од 350 000 фунти. Самиот играч излезе со изјава, во која нагласува дека одлуката да замине била донесена по последниот натпревар на тимот за сезоната.

Еве што напиша Конате:

„Драг Ливерпул,

Пред пет години пристигнав тука како млад фудбалер со големи соништа. Денес заминам со спомени кои ќе останат со мене до крајот на мојот живот.

Да го претставувам овој клуб беше чест. Заедно поминавме неверојатни моменти – подеми и падови, трофеи, предизвици, пријателства за цел живот и скршителни мигови кои ќе останат засекогаш во нашата меморија. Нема поболезен момент од загубата на нашиот брат Диого.

Загубата на мојот татко оваа година беше еден од најтешките периоди во мојот живот, но дури и во овие тешки мигови мојата посветеност кон овој клуб никогаш не се измени. Во најтешките времиња дадов се од себе за овој грб.

На моите соиграчи, тренери, службеници и сите луѓе зад сцената – ви благодарам што ми помогнавте да се развивам секој ден.

А на навивачите – ви благодарам за љубовта, енергијата и неверојатната поддршка. „Енфилд“ е навистина посебно место и никогаш не ја земав здраво за готово можноста да играм пред вас.

Длабоко натажен сум што не добив шанса да се простам со сите вас на последниот натпревар. Тогаш не знаев дека тоа ќе биде последниот пат кога ја носам оваа маица пред вас.

Од целото срце – ви благодарам за сé.

Сите ве сакам и ќе го носам Ливерпул со мене, каде и да одам. Ова не е лесно збогување, но време е за нов предизвик и нова глава во мојот живот.

До нови средби наскоро, иншаллах. YNWA.“