Светските шампион изгледаат моќно: Ова е составот на Аргентина за Мундијалот

Селекторот на Аргентина, Лионел Скалони, потврди дека Лионел Меси и поголемиот дел од актуелните шампиони ќе бидат дел од тимот за Светското првенство 2026, и покрај неколкуте повреди во пресрет на крајниот рок на ФИФА.
Меси, кој се ближи кон 39-тата година, е предводник на списокот од 26 играчи кој Аргентинската фудбалска федерација го објави во четвртокот. Во тимот се наоѓаат и 17 играчи кои пред четири години ја освоија титулата со победа над Франција во Катар.

Во последните денови, неизвесноста растеше поради здравствените проблеми на неколку репрезентативци, меѓу кои и Меси. Напаѓачот на Интер Мајами се соочува со замор на мускулите и истегнување на задната ложа на левата нога, што го спречи да го заврши натпреварот на неговиот клуб минатата недела. Од Интер Мајами истакнаа дека времето за негово закрепнување ќе зависи од неговиот клинички и функционален напредок.

За Меси, ова ќе биде шесто светско првенство по неговите настапи во Германија 2006, Јужна Африка 2010, Бразил 2014, Русија 2018 и Катар 2022. Скалони на списокот го вклучи и голманот Емилијано Мартинез, кој минатата недела го скрши прстот на десната рака во финалето на Лигата на Европа, каде Астон Вила победи над Фрајбург.

Повик добија и Кристијан Ромеро, кој закрепнува од истегнување на колатералниот лигамент на десното колено, и бековите Нахуел Молина и Гонзало Монтиел, кои се справуваат со мускулни повреди. Аргентина, која ги освои светските титули во 1978 и 1986 година, го отвора турнирот на 16 јуни против Алжир во групата Ј, каде уште се Австрија и Јордан.

Голмани: Емилијано Мартинез (Астон Вила), Херонимо Руљи (Марсеј), Хуан Мусо (Атлетико Мадрид).

Одбрана: Леонардо Балерди (Марсеј), Николас Талијафико (Лион), Гонзало Монтиел (Ривер Плејт), Лисандро Мартинез (Манчестер Јунајтед), Кристијан Ромеро (Тотенхем), Николас Отаменди (Бенфика), Факундо Медина (Марсеј), Нахуел Молина (Атлетико Мадрид).

Среден ред: Леандро Паредес (Бока Јуниорс), Родриго Де Паул (Интер Мајами), Валентин Барко (Стразбур), Џовани Ло Селсо (Реал Бетис), Ексекиел Палациос (Баер Леверкузен), Алексис Мак Алистер (Ливерпул), Енцо Фернандес (Челси).

Напад: Лионел Меси (Интер Мајами), Хулиан Алварез (Атлетико Мадрид), Нико Гонзалес (Атлетико Мадрид), Тијаго Алмада (Атлетико Мадрид), Џулиано Симеоне (Атлетико Мадрид), Нико Паз (Комо), Хосе Мануел Лопез (Палмейрас), Лаутаро Мартинез (Интер Милан).

Репрезентацијата ќе отпатува за Канзас Сити во сабота, каде ќе биде нејзината база за време на првенството, а пред почетокот на турнирот ќе одиграат пријателски натпревари против Хондурас и Исланд.