Фелипе Луис најде нов ангажман, првпат ќе биде тренер во Европа

Монако имаа тешка сезона зад себе. Едвај обезбедија место за настап во европските купови, што доведе до сигнал за промени. Бразилецот Филипе Луис ќе биде новиот шеф на стручниот штаб.

По две последователни учества во Лигата на шампионите, „кнежевите“ во следната сезона ќе се натпреваруваат во Конференциската лига. Ова никако не ги задоволува амбициите на големиот прволигаш од Франција.

Така што, смената на тренерот беше природен чекор. Наскоро, Филипе Луис ќе биде предводникот на тимот.

🚨🔴⚪️ ИСКЛУЧИВО: Монако и Филипе Луис постигнаа договор, тој ќе биде новиот тренер! 💣

Неочекуван потег зад сцената и покрај врските со други клубови, Филипе Луис веќе даде согласност.

Договор до јуни 2028 година, потегот бил поттикнат од директорот Тијаго Скуро. 🇧🇷 pic.twitter.com/m7x6mKqJyR

— Fabrizio Romano (@FabrizioRomano) May 28, 2026

Филипе Луис има богата играчка кариера зад себе. Играше за Ајакс, Депортиво, Атлетико Мадрид, Челси, а заврши како фудбалер на Фламенго, каде што ја започна и својата тренерска приказна.

Во само две години на кормилото на црвено-црните од Рио де Жанеиро, постигна неверојатни успеси. Кулминација беше во 2025 година, кога го освоија Копа Либертадорес. Истата година, беше прогласен за најдобар тренер на Јужна Америка, и очигледно е подготвен да ја продолжи тренерската кариера во Европа.

Луис ќе биде вториот бразилски тренер во историјата на Монако. Пред него, од 2007 до 2009 година, тимот го водеше Рикардо Гомес, кој не постигна значајни успеси, завршувајќи на 12. и 11. место во првенството.