Шампионот на Саудиска Арабија, Ал-Наср, покажува интерес за Пеп Гвардиола. Тоа го потврди агентот на каталонскиот стратег, Хосе Марија Оробитг.
„Пред месец и половина имаше контакти, но тоа беа само разговори, без никакви обврски или писмена понуда“, изјави Оробитг.
Според различни извештаи, на Гвардиола му биле понудени околу 130 милиони евра годишно од саудискиот клуб, во кој игра Кристијано Роналдо.
„Сумата не беше толку голема“, коментираше Оробитг, минимизирајќи ги шпекулациите за огромната понуда.
Вчера, Манчестер Сити официјално објави разделба со Гвардиола, кој помина 10 години на чело на „граѓаните“ и освои вкупно 20 титули.
Ал-Наср ја освои првата титула во Саудиска Арабија од 2019 година под водство на Жорже Жезус, кој најави дека ќе ја напушти позицијата веднаш по победата над Дамак (4:1), која го обезбеди првото место.
Учество во игри на среќа е дозволено за лица со 18+ години. Играј одговорно!