Роберт Левандовски ќе стане еден од најплатените фудбалери во светот на 38 години!

Роберт Левандовски си заминува од Барселона по четири години. Договорот му истекува на крајот на сезоната и нема да му биде продолжен, а тој веќе избрал нова средина. Тоа ќе биде Саудиска Арабија.

Денес се појавија информации дека Полјакот, кој наскоро ќе има 38 години, одлучил да замине за Арабија. Сега е познато името на клубот и сумата која му е понудена. Таа е неверојатна.

Новиот клуб на легендарниот напаѓач треба да биде Ал-Хилал. Лева ќе заработува неверојатни 90 милиони евра годишно.

Оваа понуда едноставно не можеше да ја одбие. Бргу сите понуди од европските клубови паднаа во втор план, бидејќи за неколку сезони во Саудиска Арабија можеше да заработи огромно богатство.

Со 38 години, Левандовски ќе стане еден од најплатените фудбалери во светот. Пред него ќе бидат само Кристијано Роналдо, Лионел Меси и Карим Бензема, чии приходи го преминуваат износот од 100 милиони евра годишно.

Полскиот напаѓач има богати договори со Бајерн и Барселона. Сепак, понудата од Арабија е нешто сосема различно во однос на сите останати и лесно е да се каже „да“.

Така Левандовски најверојатно ќе го носи дресот на најголемиот клуб во Саудиска Арабија од наредната сезона. Барселона, а и европската кариера која беше голема, ќе станат минато.