От Ливерпул стапиле во контакт со Реал, за да прашаат што не било во ред со Чаби Алонсо

И покрај тоа што во последните недели англиските медиуми уверено тврдат дека Арне Слот ќе остане во Ливерпул и во следната сезона, шпекулациите за евентуално назначување на Чаби Алонсо продолжуваат да кружат.

Според “Ас”, раководството на црвените сè уште не ја донело крајната одлука за тоа кој ќе биде предводник на тимот во следната сезона. Навивачите на Ливерпул би го прифатиле Алонсо со отворени раце, а тој има и други поддржувачи на “Енфилд”.

Меѓутоа, раководството на 20-кратните шампиони на Англија сака да има комплетна информација зошто Шпанецот не успеал во Реал Мадрид и бил отпуштен во јануари. За да ги дознаат деталите од прва рака, од “Енфилд” воспоставиле директен контакт со луѓе од управата на Реал.

Според “Ас”, меѓу двата клуба сè уште постојат добри односи, кои не биле нарушени од трансферот на Трент Александар-Арнолд. Затоа, истражувањето од страна на црвените не било прифатено како нешто сензационално.

Интерес за Чаби Алонсо изразува и Челзи, а од “Стамфорд Бриџ” веќе стапиле во контакт со неговите агенти. Според некои информации, претставниците на Шпанецот го информирале Ливерпул за овој развој, нагласувајќи дека неговиот прв избор на моментот останува враќањето на “Енфилд”.

Слот може и да ја има поддршката на раководството на Ливерпул, но во натпреварот со Челзи јасно се виде дека во голема мера веќе го загубил довербата на публиката. Ова може да ја промени ситуацијата за Холанѓанецот по завршувањето на сезоната.