Спиеше во автомобил пред тренинг, а сега вреди 140 милиони евра

Поранешниот тренер на ѕвездата на Баерн, Михаел Олесе (24), сподели интересна приказна за овој француски напаѓач. Тој откри дека како тинејџер често го наоѓал како спие во својот автомобил на паркингот пред почетокот на тренинзите. Овој необичен пат, од неприфатен талент во Челзи и Манчестер Сити до еден од клучните играчи на баварскиот гигант, пренесува порталот Goal.com.

“Секое утро, кога го почнував тренингот, Михаел седеше во својот автомобил и длабоко спиеше”, раскажа Марк Боуен, кој го тренираше Олисе во неговите почетни професионални денови во Рединг, гостувајќи во емисијата Bolzplatz на ZDF.

Во тоа време, Олисе беше млад играч кој штотуку се обидуваше да се пробие во првата екипа на тогашниот англиски второлигаш Рединг, и уште живееше со семејството во Лондон. Секое утро мораше да се пробива низ градските гужви за да стаса на време на тренинг.

“Рече дека не сака да заглавува во сообраќајот и повеќето време да го поминува во автомобилот. Веројатно тргнуваше веќе во 5:30 наутро за да стигне на време,” се присети Боуен, кој сега е спортски директор на англискиот петолигаш Форест Грин Роверс. “Стигнуваше на тренингот и потоа заспиваше во својот автомобил.”

Кога ќе почнеше тренинзите во 9 часот, постарите играчи ме прашуваа: ‘Каде е Михаел? Зошто доцни?’ Им одговарав: ‘Можеби доцни на почетокот на тренингот, но додека вие уште спиевте, тој веќе беше на паркингот.’ Беше само дете и задремуваше. Мораше да му чукаме на прозорецот за да го разбудиме за тренинг,” раскажува Боуен.

Олисе помина седум години во младинската школа на Челзи, откако кратко време беше и во Арсенал. На 14 години, го отпуштија од Челзи и покрај неговиот очигледен талент, и потоа премина во Манчестер Сити, но и таму остана само една година.

На 15 години конечно се насели во Рединг, каде по помалку од две години се проби во првата екипа. “Зошто, по сите тие врвни клубови, заврши во Рединг? Единственото што можам да претпоставам е дека тие клубови можеби неговата самодоверба ја доживеале како нешто негативно. Сметале дека би требало да биде малку поскромен,” се прашува и денес неговиот тогашен ментор Боуен.

Под раководство на Боуен, Олисе стана стандарден играч во Рединг и во 2021 година се префрли во Кристал Палас, каде се докажа во Премиер лигата. Во 2024 година, Баерн плати 53 милиони евра за францускиот репрезентативец, и таа инвестиција целосно се оправда во помалку од две години.

Во Минхен, Олесе израсна во еден од најсветлите таленти на светскиот фудбал, а неодамна блескаше во дуелот против Пари Сен-Жермен, кој заврши 5:4 за францускиот клуб. Овој 24-годишник оваа сезона во 47 натпревари постигна 20 гола и забележа 29 асистенции. Според Tрансфермаркт, Олисе вреди 140 милиони евра. За Баерн има 40 гола и 52 асистенции во 102 натпревари.