Чави Симонс, 23-годишен холандски фудбалски репрезентативец и играч на лондонски Тотенхем, соопшти дека неговата сезона е завршена и дека нема да учествува на Светското првенство. “Животот навистина може да биде суров, а јас токму така се чувствувам”, изјави Симонс, кој се здоби со сериозна повреда минатата недела при натпреварот од Премиер лигата, каде што неговиот Тотенхем оствари минимална победа против Вулверхемптон со 0:1.
Симонс претрпе повреда на коленото, а првичните лекарски извештаи укажуваат на повреда на предниот вкрстен лигамент на десната нога. Го очекува долго време надвор од зелениот терен.
Исхрана, повреди и тренинг – совети од доктор по спортска медицина | Уште еден поткаст
“Моето срце е скршено. Сите мои планови за крајот на сезоната и за Светското првенство се изгубени”, додаде Симонс, кој нема да недостасува само на Холандија на шампионатот кој го коорганизираат Канада, Мексико и САД, туку оваа вест претставува голем удар и за Тотенхем, кој се бори за опстанок во Премиер лигата.
Лондонскиот тим се наоѓа на 18-то место во табелата, во зоната за испаѓање. Симонс е дел од редовите на Тотенхем од минатата година, а во својата кариера за репрезентацијата на Холандија има одиграно 34 натпревари и постигнато шест гола. Oваа сезона има 43 настапи, шест голови и седум асистенции. Вредноста му е проценета на 50 милиони евра според Transfermarkt.
Учество во игри на среќа е дозволено за лица со 18+ години. Играј одговорно!