Дарио Ивановски го освои првото место на полумаратонот во Дубровник

Македонскиот атлетичар Дарио Ивановски забележа нов значаен успех, освојувајќи го првото место на полумаратонот во Дубровник, Хрватска.

Во трката на 21 километар, Ивановски покажа супериорност и финишираше со време од 1:06:30, оставајќи ги ривалите зад себе со убедлива разлика. На втората позиција се најде Силвије Томац со резултат 1:14:05, додека третопласиран беше Жељко Цота со време 1:14:23.

Со овој триумф, Ивановски уште еднаш потврдува дека е во врвна форма и продолжува да ниже одлични резултати на меѓународната сцена.