Нови детали: Фудбалери во скандалот со проституција плаќале и по 10.000 евра за една вечер!

Документи од истрагата на миланското обвинителство за поттикнување и користење на проституција откриваат детали за системот кој организираше вечерни излегувања на фудбалери со ескорт девојки и хостеси. Целиот пакет услуги, од резервирање на маса до ангажирање на девојки, можел да достигне до 10.000 евра, при што организацијата задржувала поголем дел од заработката, според известувањето на La Gazzetta dello Sport.

Во центарот на истрагата е двојката Буттини-Ронки, кои се очекува да бидат испитани на 27 април, а нивните соработници биле задолжени за односите со клиентите. Станува збор главно за меѓународно познати фудбалери, но и за други ВИП личности и бизнисмени.

Исхрана, повреди и тренинг – совети од доктор по спортска медицина | Уште еден поткаст

---

Организацијата раководела со сите аспекти, од патувањата до исполнувањето на сите барања на клиентите, вклучувајќи и набавка на азотен оксид, познат како гас за смеење, за да можат клиентите да се забавуваат без страв од анти-допинг контроли, бидејќи тоа соединение не може да се детектира.

Присуството на познати фудбалери се користело како мамец за привлекување на други клиенти, со пораки како "Тука е и...", а бизнисот се ширел и преку усна препорака. За дополнителната "забава" по вечерното излегување, било потребно да се доплати, се наведува во текстот.

Според обвинението, е важно да се напомене дека не сите фудбалери ја користеле комплетната услуга; некои барале само забава и приватност..

Во документите се споменува дека организацијата раководела со околу стотина млади девојки, Италијанки и странци, од кои некои биле достапни и како ескорт девојки. Клиентите ги бирале преку некој вид каталог што содржело фотографии, Инстаграм профил и цена. Меѓу нив имало и студентки кои на овој начин добивале дополнителна заработка за брендирана торба или фустан.

Младите девојки потврдиле тоа што една од нив пријавила, дека биле ангажирани за учество на вечери во луксузни локали како придружба. Често им се нудела и можноста за прифаќање на дополнителна "работа".

Од заработката, девојките добивале само мал дел. Парите ги добивале во готовина, во пликови, а износот зависел од услугите кои ги давале, цената која била наплатена и дали престојувале во соба во Чинисело, што влијаело на дневната заработка од 70 до 100 евра. Тие се согласувале на значително пониски износи од оние кои ги наплаќала организацијата.