Потенцијалниот заменик на Бастони рече “да” на Интер

Лидерот во Серија “А” Интер постигна согласност за трансфер со дефанзивецот на Сасуоло Тарик Мухаремовиќ, кој можеби ќе го замени Алесандро Бастони, пишува весникот “Газета дело Спорт”.

“Нераѕурите” планираат да му понудат на босанскиот дефанзивец договор од пет години, и се останува да се договорат за конечниот трансфер со неговиот клуб. Меѓутоа, од таму чекаат интерес за Мухаремовиќ и од клубови од Премиер лигата, бидејќи на тој начин неговата цена значително ќе скокне.

Босанскиот репрезентативец претходно беше сопственост на Јувентус, а во моментот кога клубот го продаде на Сасуоло, задржа 50% од правата на него. Така, половината од трансферната сума за 23-годишниот бранител ќе ја добие големиот ривал на Интер.

Меѓувремено, според “Мундо Депортиво”, Бастони е подготвен да ја намали својата плата за да го олесни евентуалното преминување во Барселона.