Голманот на Ливерпул Алисон Бекер постигнал усен договор за можен трансфер во Јувентус летово, соопштува Матео Морето. Токму бразилскиот репрезентативец е приоритетна цел на „бианконерите“ за засилување на оваа позиција.
Според некои извори, торинскиот големец нуди договор за 2+1 сезона со годишна плата од 5 милиони евра, додека цената на голманот е 10 милиони. Тренерот Лучано Спалети, пак, е еден од најголемите поддржувачи на ваков трансфер, бидејќи работел заедно со 33-годишниот голман за време на престојот во Рома.
Исхрана, повреди и тренинг – совети од доктор по спортска медицина | Уште еден поткаст
Фабрицио Романо го потврдува заемниот интерес на двете страни, но прецизира дека самиот Алисон допрва ќе разговара со раководството на Ливерпул за својата иднина, имајќи предвид сериозната конкуренција со Гиорги Мамардашвили. Експертот за трансфери додава дека мрсисајдците автоматски го продолжиле договорот на долгодожниот голман до јуни 2027.
Учество во игри на среќа е дозволено за лица со 18+ години. Играј одговорно!