Меси е број 1 меѓу луѓето, но Марадона е Бог

Синот на Диего Марадона, Диего јуниор, кој го доби во врска со Кристина Синагра во 1986 година, беше гостин во една италијанска шоу програма, каде што зборуваше за својот татко.

„Марадона имаше тежок, но убав живот. Уживаше, правеше грешки. За грешките плати, но никогаш никого не повреди“ рече Марадона јуниор.

На прашањето дали го запознал Меси и какво е неговото мислење за него беше краток.

„Немав можност да го запознаам. Меси е број 1 меѓу луѓето, но татко ми е Бог на фудбалот“, изјави Диего јуниор.

Татко му го запозна дури кога наполни 29 години.

„Имавме убав однос. Кога не се познававме, луѓето постојано ме прашуваа за него. Кога го запознав ми донесе многу среќа во животот. Беше капитен на моите најубави денови“, заклучи синот на Марадона.