Ништо од Дончиќ: Ова се фаворитите за МВП наградите во НБА!

Имињата на победниците ќе се почнат објавуваат од следната недела за време на плејофот, почнувајќи од понеделник кога ќе биде објавен најдобриот играч во одбрана на годината.

Кошаркарската ѕвезда на Сан Антонио Спарс, Виктор Вембанијама, кој игра трета година во лигата, за првпат е номиниран за најкорисен играч на НБА лигата, заедно со Никола Јокиќ од Денвер Нагетс и Шај Гилџиус-Александар од Оклахома Сити Тандер, соопшти лигата во неделата. Лигата го објави списокот на финалисти за МВП и за останатите награди за сезоната 2025/26 за време на преносот од првиот плејоф натпревар помеѓу Орландо Меџик и Детроит Пистонс на NBC.

Вембанијама, кој исто така е финалист за најдобар дефанзивен играч, во просек бележеше 25 поени и 11,5 скока, што е негов нов личен рекорд, и водеше во лигата со 3,1 блокади по натпревар. Доколку биде прогласен за најкорисен играч, ќе стане најмладиот МВП во историјата на лигата со 22 години, за неколку месеци помлад од Дерик Роуз кој ја освои таа титула во сезоната 2010/2011.

На патот до оваа престижна титула, неговите ривали се претходните двајца добитници на МВП наградата – Гилџиус-Александар кој имаше просек од 31,1 поен, 6,6 асистенции и 4,3 скока по натпревар и Јокиќ кој оствари просек од 27,7 поени, 12,9 скока и 10,7 асистенции по натпревар.

Аусар Томпсон од Детроит и Чет Холмгрен од Оклахома Сити се други двајца финалисти за најдобар дефанзивен играч на лигата, за која Вембанијама е голем фаворит.

Три од првите четири пикови на минатогодишниот драфт се финалисти за наградата за новајлија на годината. Првиот пик Купер Флег од Далас (21,0 поени, 6,7 скока, 4,5 асистенции и 1,2 украдени топки по натпревар), третиот пик ВЈ Еџекомб од Филаделфија (16,0 поени, 5,6 скока, 4,2 асистенции по натпревар) и четвртиот пик Кон Кнеупел од Шарлот (18,5 поени, 5,3 скока, 3,4 асистенции) ќе се натпреваруваат за титулата најдобар новајлија.

Никеил Александер-Вокер од Атланта, Дени Авдија од Портланд и Џален Дурен од Детроит се три финалисти за играч со најмногу напредок. Во својата прва сезона во Атланта, Александер-Вокер во просек бележеше 20,8 поени – за 9,8 повеќе од која било од неговите први шест сезони. Авдија оствари просек од 24,2 поени, што е негов личен рекорд, а Дурен, кој оваа година за прв пат беше избран во Ол-стар тимот, бележеше 19,5 поени, значително повеќе од 11,8 поени колку што имаше минатата сезона.

Тим Хардауеј Мл. од Нагетс, Хаиме Хакез Мл. од Мајами и Келдон Џонсон од Сан Антонио се финалисти за најдобар шести играч на годината.

Ентони Едвардс од Минесота, Џамал Мареј и Шај Гилџиус-Александар од Денвер се финалисти за Климач играч на годината. Секој од нив, доколку победи, за прв пат би ја добил оваа награда, која оваа година ќе биде доделена по четврти пат.

Тројца тренери од двата најдобро пласирани тима се избрани за финалисти за тренер на годината: Џ.Б. Бикерстаф од Детроит, Мич Џонсон од Сан Антонио и Џо Мазула од Бостон.

Имињата на победниците ќе се објавуваат од следната недела за време на плејофот, почнувајќи од понеделник кога ќе биде прогласен најдобриот дефанзивен играч, во вторник ќе биде објавен Климач играчот на годината, во среда најдобриот шести играч и во петок играчот со најголем напредок.

Финалисти за НБА награди

MVP: Шај Гилџиус-Александар (Оклахома Сити) Никола Јокиќ (Денвер) Виктор Вембанијама (Сан Антонио)

Новајлија: ВЈ Еџекомб (Филаделфија) Купер Флег (Далас) Кон Кнеупел (Шарлот)

Одбранбен играч: Чет Холмгрен (Оклахома Сити) Аусар Томпсон (Детроит) Виктор Вембанијама (Сан Антонио)

Играч со најмногу напредок: Никеил Александер-Вокер (Атланта) Дени Авдија (Портланд) Џален Дурен (Детроит)