Тренерот на фудбалерите на Арсенал, Микел Артета, изјави дека неговиот тим во вечерашниот натпревар против Манчестер Сити ја пропушти шансата за голем чекор кон освојување на титулата во Премиер лигата, но дека се’ уште сѐ е во нивни раце и дека верува во успех.
„Во завршницата на натпреварот можеше да се види ставот на тимот. Можевме да бидеме посмирени во одредени ситуации, но секако ја однесовме играта таму каде што сакавме. Знаевме дека имаме голема шанса да победиме. Бевме блиску, но недоволно. Но сега мора да се ресетираме. Денес пропуштивме голема шанса. Но остануваат уште пет натпревари до крајот. Има многу позитивни работи од денешниот натпревар”, рече Артета, пренесува Скај.
Исхрана, повреди и тренинг – совети од доктор по спортска медицина | Уште еден поткаст
Фудбалерите на Арсенал загубија во Манчестер од Сити со 1:2, во натпреварот од 33. коло на Премиер лигата. Лондонскиот тим е прв на табелата и има 70 бода, три повеќе и еден натпревар повеќе од Сити.
„Кога не ги искористувате шансите, а тие имаат квалитет, тоа е ризик бидејќи тогаш го губите натпреварот. Не мислам дека имаше разлика меѓу двата тима. Постојат елементи на среќа, дали топката ќе влезе во гол или не. Кај вториот гол, топката се одби до Халанд. Тука е и индивидуалниот квалитет, да се биде ладнокрвен, прецизен и немилосрден. Ние апсолутно го направивме тоа”, наведе Артета.
„Тоа беше битка, интензитет, што се очекува. Дел од натпреварот имаше многу сличности со првите 28 минути од финалето на Лига купот. Имавме две огромни шанси да поведеиме. Но не успеавме и тоа го промени текот на натпреварот”, додаде тој.
Учество во игри на среќа е дозволено за лица со 18+ години. Играј одговорно!