Ливерпул веќе преговара за Адам Вортон

Ливерпул веќе има испратено прашање до Кристал Палас за играчот на средината на теренот на “орлите” Адам Вортон, тврди новинарот Бен Џејкобс.

Според информациите, лондонците се отворени за продажба на англискиот интернационалец, кого го оценуваат на околу 80 милиони фунти. Меѓутоа, лицитацијата ќе започне од многу пониска сума. Фудбалерот самиот сака да премине во поголем клуб и да игра во Лигата на шампионите.

Вортон е приоритет за средниот ред на Ливерпул. Веројатно „Црвените“ ќе го продадат Кертис Џонс, кого го интересира Интер, а и иднината на Алексис Мак Алистер на “Енфилд” е неизвесна.

Манчестер Јунајтед исто така има сериозен интерес за 22-годишната ѕвезда на Кристал Палас.

Лондонците го привлекоа Вортон од Блекбурн во февруари 2024 година за иницијална сума од 18 милиони фунти, која со бонуси достигнува 22 милиони.