Ѕвездата на Детроит пистонс Кејд Кунингем и ѕвездата на Лос Анџелес Лејкерс, Лука Дончиќ сепак ќе можат да се конкурираат за годишните награди на НБА лигата, и покрај тоа што не одиграа доволен број натпревари (65) оваа сезона. Одлуката е донесена заедно од страна на раководството на НБА лигата и Здружението на кошаркари (NBPA), повикувајќи се на клаузула за вонредни околности од Колективниот договор.
Кунингем одигра 63 натпревари во регуларниот дел од сезоната. Дончиќ имаше 64 настапи, од кои две ги пропушти за да биде во Словенија на раѓањето на неговата ќерка. По разгледување на сите околности, НБА лигата и Здружението на играчите се согласија дека двајцата играчи ги исполнуваат условите за наградите врз основа на споменатата одредба за вонредни околности.
Исхрана, повреди и тренинг – совети од доктор по спортска медицина | Уште еден поткаст
Словенецот Дончиќ ја заврши сезоната како најдобар стрелец во НБА лигата со просек од 33.5 поени. Покрај тоа, постигнуваше 7.7 скока и 8.3 асистенции по натпревар и високо котираше за наградата што ја добива највредниот играч на лигата (МВП). Исто така, сега е во конкуренција и за други индивидуални награди, како вклучување во најдобрата петорка на лигата.
Учество во игри на среќа е дозволено за лица со 18+ години. Играј одговорно!